Li Amedê traktor û otomobîl li hev qelibîn: 5 kes birîndar bûn
Hewlêr (Rûdaw) - Li navçeya Çinarê ya Amedê traktor û otomobîlek li hev qelibîn û di qezayê de 5 kes birîndar bûn.
Li gorî agahiyan, traktora E.G diajot û otomobîla bi plakaya 02 AAD 532 li navçeya Çinarê li hev qelibîn.
Di qezayê de 5 kesên di otomobîlê de birîndar bûn.
Li ser agahdarkirinê ekîbên tenduristî, cendirme û trafîkê çûn cihê bûyerê.
Birîndar piştî midaxeleya ewil a ekîbên tenduristiyê rakirin nexweşxaneyên li bajêr.