Hewlêr (Rûdaw) - Rêveberê Weşanxaneya Avestayê Abdullah Keskin derbarê kampanya waneyên bijartî yên Zimanê Kurdî de got: “Weke weşanxaneyekê em pabend in bi bexşîna 1000 pirtûkan bi taybetî pirtûkên zarokan eger mekanîzmayek bê danîn.”
Proseya tomarkirina navê zarokan ji bo dersên bijarte li Bakurê Kurdistanê û Tirkiyê berdewam e. Pêvajoya hilbijartina dersên bijarte yên sala perwerdehiyê ya 2022-2023an li dibistanên amadeyî yên girêdayî Wezareta Perwerdeya Tirkiyê di 3ê Çileyê de dest pê kir û heta 21ê Çileyê berdewam dike. Ji xwendekaran û malbatên wan tê xwestin ku heya 21ê Çileya 2022an, rêveberên dibistanan ji dersên xwe yên bijartî agahdar bikin.
Li gor rêziknameya wezaretê, xwendekarên dibistana navîn ên polên 5-6-7 û 8an ji 3 heta 21ê Çile dikarin serî li rêvebirîya dibistanên xwe bidin û Kurmancî û Zazakî wek dersen bijarte hilbijêrin.
Rêveberê Weşanxaneya Avestayê Abdullah Keskîn li ser jesabê xwe yê medya civakî got “Weke weşanxaneyekê em pabend in bi bexşîna 1000 pirtûkan bi taybetî pirtûkên zarokan eger mekanîzmayek bê danîn. Dersa bijarte ji bo Kurdan tam ezmûnek e, ne tenê ziman, ezmûna dilpakiyê ye jî.”
Ve yayınevi olarak bunun mekanizmaları oluşturulduğu takdirde başta çocuk ve eğitsel kitaplar olmak üzere 1000 (bin) kitap bağışlamayı taahhüt ediyoruz.
— Abdullah Keskin (@akeskinavesta) January 13, 2022
Piştî peyama Rêveberê Weşanxaneya Avestayê Abdullah Keskin ya li ser medya civakî nivîskar Xalid Sadini jî piştgirî da û diyar kir ku ewê weşanxaneyên Peywend û Lorya jî bi 2000 pirtûkên kurmancî û zazakî beşdarî vê kampînê bibin.”
Herwiha Sadinî ji bo kampanyayê bang li weşanxaneyên Nûbihar, Lîs, Sîtav, Wardoz, Dara û Na jî kir û wiha got “Başe hûn çi dibêjin?”
Madem kekê @akeskinavesta barekî weha dana ser milê weşangeran,em jî wekî @peywendkitab û @loryakitap dê ji bo vê kampanyayê 2000 (duhizar) kitêbên Kurmancî û Zazakî dîyarî bikin.
— خالدسادینیXalidSadini (@XalidSadini) January 13, 2022
Ka hun çi dibêjin @nubihar @lisyayinevi @Sitavyayinevi1 @wesanenwardoze @darayayinlari û @WesanenNa https://t.co/7687YiLzsF
Rêveber û Xwediyê projeya Bejan ku li cîhanê yekemîn lîstika kurdî ya zarokan e Behmen Dogu jî derbarê kampîna Zimanê Kurdî li ser hesabê xwe yê medya civakî peyamek belav kir û got: “Em wek kompanyeya Erkamê bi armanca teşwîqkirina waneyên Zimanê Kurdî wek xelat 150 desteyên `Bejan fêrî Kurdî dibe` bidin. Emê van xelatan bi rêya platformên Zimanê Kurdî ku navendê wan li Amed û Êlihê ne bidin û ev desteyên ku em didin wek çavkaniyekê ye û ji 19 pirtûkan pêk tê.”
Erkam yazılım olarak Seçmeli Kürtçe Dersleri teşvik etmek adına 150 adet “Bejan Kürtçe Öğreniyor” seti hediye edeceğiz. Batman,Diyarbakır merkezli Kürtçe dil platformları üzerinden dağıtımını yapacağımız setler kaynak eser niteliğinde olup 19 kitaptan oluşmaktadır. #kürtçe #kurdi
— Behmen Doğu (@behmenndogu) January 14, 2022
Rêxistinên taybet bi warê perwerde û ziman, civaka sivîl, partiyên Kurdî yên Bakurê Kurdistanê, çalakvan û akademisyenan kampanya piştgirîkirina xwendina bi zimanê Kurdî dane destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse