Hewlêr (Rûdaw) - Piştî heqaretên li Şêx Seîd hejmarek welatiyan posterê ku beşek ji rêber û pêşengên Kurd tê de cih digirin bi Bircên Amedê ve daliqandin û li ser nivîsîn, “Ez Kurd im, nemir im.”
Li navçeya Sûrê ya parêzgeha Amedê ya Bakurê Kurdistanê hinek kesan pankarteke ku wêneyên beşek ji serkirde, pêşeng û rêberên gelê Kurd tê de cih digirin li ser Bircên Amedê yên nêzîkî Meydana Şêx Seîd daliqandin.
Di pankartê de kesayetên Kurdan ên wekî Şêx Seîd, Qazî Mihemed, Leyla Qasim, Seyîd Riza û Musa Anter cih digirin û li ser hatiye nivîsîn: “Ez Kurd im, nemir im.”
Piştî ku ew pankart hat daliqandin hejmareke zêde ya welatiyên Kurd ew dîmen li ser hesabên xwe yên tora civakî belav kirin.
Piştî ku navê pêşeng û rêberê gelê Kurd Şêx Seîdê Pîran li rêyeke Amedê hat kirin, Şêx Seîd rastî heqaretên nijadperest, Kemalîst û beşek ji aliyên çep ên Tirkiyeyê hat.
Ciwanên #Kurd, wêneyên rêberên Kurdan li bircên Amedê daliqandin pic.twitter.com/zrwRV12paF
— RudawKurdi (@RudawKurdi) December 13, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse