Bizinên ku di nav zinaran de asê man hatin rizgarkirin

RÛDAW

Hewlêr (Rûdaw) - Li navçeya Pîranê ya Ameda Bakurê Kurdistanê bizinên ku di nav zinaran de asê mabûn hatin rizgarkirin.

Li gundê Bawkoyê yê navçeya Pîranê ya Amedê 10 bizinên gundiyan di nav zinaran de asê man.

Li ser agahdarkirinê AFAD çûn herêmê.

Tîmên AFADê xwe bi werîs berda nav zinaran û 10 bizinên ku asê mabûn rizgar kirin.

Bizinên ku hatin rizgarkirin radestî xwediyê wan hatin kirin.