Şingal (Rûdaw) – Li gor agahiyên Rûdawê operasyona rizgarkirina Şingalê %100 hat bicihanîn û 200 km axa Başûrê Kurdistanê ji dest DAIŞê hat derxistin.
Peyamnêrê Rûdawê li Şingalê Hêvîdar Ehmed ragihand: “Li gor çavkaniyên leşkerî yên pêşmerge, operasyona Şingalê bi awayeke %100 hatiye bicihanîn û armancê operasyonê pêk hatine.”
Hêvîdar Ehmed got: “Li gor agahiyan, di operasyona hêzên pêşmerge bo rizgarkirina Şingalê de jibilî bajarê Şingalê, 28 gundên derdora Şingalê jî hatin rizgarkirin.”
Peyamnêrê me herwiha da xuyakirin: “Di heyama du rojên operasyonê de bi qasî 200 km ji axa Herêma Kurdistanê ji destê çekdarên DAIŞê hatiye derxistin.”
Peyamnêrê me tekez kir: “Ji destpêka operasyonê ve heya niha 300 çekdarên DAIŞê hatin kuştin û termên wan li ber destên hêzên pêşmerge ne.”
Hêzên pêşmerge duh pênşemî 12ê Mijdarê dest bi operasyona rizgarkirina Şingalê kir. Operasyon bi serpireştiya rasterast a Serokê Herêma Kurdistanê Mesûd Barzanî hat destpêkirin.
Îro di duyemîn roja operasyonê de, berî nîvro Şingal bi timamî ji aliyê hêzên pêşmerge ve hat rizgarkirin û Serokê Herêma Kurdistanê Mesûd Barzanî di konfranseke rojnamevanî de li ser çiyayê Şingalê rizgarkirina Şingalê îlan kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse