Hewlêr (Rûdaw) - Li parêzgeha Sêwazê ya Bakurê Kurdistanê mamostayekî malnişîn ji ber xwedîkirina pisîkan bi cîranên xwe pev çû û di encamê de 2 kes birîndar bûn.
Li gorî agahiyan li Taxa Eceyê ya Sêwazê ji ber xwedîkirina pisîkan mamostayê malnişîn V.O., cîranê wî Y.Y. û bavê wî N.Y. bi hev ketin.
Bi zêdebûna aloziyê re mamostayê malnişîn V.O. bi demanceyê gule li cîranê xwe û bavê wî reşandin û her du birîndar kirin.
Li ser agahdarkirinê polîs û tîmên tendirustiyê çûn cihê bûyerê.
Tîmên tenduristiyê birîndar bi ambulansan veguhastin Nexweşxaneya Perwerde û Lêkolînê ya Zanîngeha Cumhuriyetê.
Li gorî agahiyan rewşa tenduristiyê ya Y.Y xedar e.
Li aliyê din, mamostayê malnişîn V.O. hat desteserkirin û lêpirsîna wî ya li Navenda Ewlehiyê ya Sêwazê berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse