Hewlêr (Rûdaw) - Edîtor û xwediyê Weşana Avestayê Abdullah Keskîn diyar kir ku helwesta polîsan nayê qebûlkirin û ragihand ku ew dê gotubêjên bi Kurdî bidomînin.
Weşana Avestayê ku navenda wê li Stenbolê ye da zanîn, ku rêze gotûbêjên wêjeyî yên bi navê "Gotûbêjên Avesta" dabû destpêkirin, ya li Mêrdînê hatiye rawestandin.
Hat ragihandin ku polêsan xwestiye ku gotûbêja bi derhênerê şanoyê Mîrza Metîn re bi hinceta pandemiyê asteng bike û xwestine wêneyên beşdarên çalakiyê bikşînin.
Di derbarê astengiya polîsan de Weşana Avestayê li ser hasebaê xwe yê Twitterê daxuyaniyek belav kir û got “Em Gotûbêjên Avesta li Mêrdînê radiwestînin!”
Weşana Avestayê di daxuyaniya xwe de wiha got “Em Gotûbêjên Avesta li Mêrdînê radiwestînin. Di gotûbêja Yekşemê ya Mîrza Metîn de polîs hatin, destpêkê gotin ji ber pandemî hûn nikarin çêbikin, piştre xwestin foto bigrin, dawî jî diyar bû ku naxwazin hevdîtîn-konferansên Kurdî çêbibin. Ji ber rewşa kesên peywendîdar em mecbûr man, vêga bernamê rawestînin. Hêvîdar in di demeke Kurt de dîsa karibin hev bibînin.”
Em Gotûbêjên Avesta li Mêrdînê radiwestînin!
— Avesta Yayınları (@avestayayin) October 12, 2021
Mardin söyleşilerini durduruyoruz! pic.twitter.com/EcgI3IgZgi
Herwiha Edîtor û Xwediyê Weşana Avestayê Abdullah Keskîn jî li ser hesabê xwe yê Twitterê daxuyaniyek da û helwesta polîsan rexne kir.
Abdullah Keskîn di daxuyaniya xwe de tekez kir ku ya qewimiye nayê qebûlirin û wiha berdewam kir “Pir na, çend sal berê di asta herî bilind de di mîtîngan de li bajarekî ku wergera Quranê ya bi Kurdî dihat hejandin, Mewlûda Kurdî dihat xwendin û enstîtu dihat vekirin, em nikarin gotûbêjeke wêjeyê ya biçûk bikin. Dixwazin bibêjin `Çi pêwîst heye, wê jî em dê bikin.`”
Çok değil birkaç sene önce en üst düzeyde mitinglerde Kürtçe Kur’an mealinin sallandığı, Kürtçe Mevlidin okutulduğu, enstitünün açıldığı bir şehirde basit küçük bir edebiyat söyleşisi yapamıyoruz. “Ne gerek var ki, onu da biz yaparız”, Kürtçe bilmeden de, denilmek isteniyor. https://t.co/LeYfNxwdWN
— Abdullah Keskin (@akeskinavesta) October 12, 2021
Li aliyê din Weşana Avestayê, di 16 Cotmehê de roja Şemiyê di çarçoveya rêza gotûbêjan de li Amedê bi moderatoriya Zeynep ya dê bi Lorîn S. Dogan re gotûbêjek pêk bîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse