Li Erzeromê lehî rabû: Ziyan gihîşt rê û zeviyên çandiniyê

Hewlêr (Rûdaw) - Li navçeua Oltu ya Erzeroma Bakurê Kurdistanê lehî rabû û avê girt ser xaniyekê, ziyan gihişt hinek rêyan û zeviyên çandiniyê. Herwiha rêya di navbera Erzerom û Artvinê de ji ber hezazê hat girtin.

Li navçeya Oltuyê baran gurr a ku duh êvarê bariya bû sedema lehiyê.

Ji ber lehiyê li taxa Ayvaliyê ziyan gihişt hinek rêyan, zeviyên çandiniyê û bexçeyan.

Muxtarê taxê Musa Demir ragihand ku barana li herêmê barî di demeke kurt de bandora xwe zêde kir û lehî rabû û ava lehiyê girt ser xaniyekî û herwiha zirar gihişt baxçe û erdên çandiniyê.

Herwiha ji ber barana zêde hezaz çêbû û rêya di navbera Erzerom û Artvinê de hat girtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger