Hewlêr (Rûdaw) - Li parêzgeha Dihokê kesekî birayek û 2 jinbirên xwe kuştin.
Bûyer vê êvarê li nahiyeya Kelekçiyê ya qezaya Şêxanê ya parêzgeha Dihokê çêbû.
Qeymeqamê Şêxanê Serdar Şêx Yehya li ser bûyerê ji Rûdawê re axivî û got, "Li ser pirsgirêkeke civakî, kesekî birayê xwe û du jinbirên xwe kuştine."
Wekî ku Qeymeqamê Şêxanê got, kujer û ew her sê kesên hatine kuştin ji nahiyeya Kelekçiyê ne ya qezaya Şêxanê ne.
Qeymeqamê Şêxanê Serdar Şêx Yehya da zanîn ku kujerê bi navê E. E. E. piştî bûyerê reviyaye û hîn nehatiye desteserkirin.
Hêzên polîs û asayişê ji bo girtina kujer xebatên xwe berdewam dikin.
