Hewlêr (Rûdaw) - Piştî ku Wezareta Veguhestinê ya Îraqê biryara rawestandina geştên asmanî da, her du balafirgehên Hewlêr û Silêmaniyê yên Herêma Kurdistanê jî hatin girtin.
Rêveberê Balafirgeha Navdewletî ya Silêmaniyê Hendiren Muftî ji Rûdawê re got:
“Bi fermana Wezareta Veguhestinê ya Îraqê hemû seferên balafiran ji bo demeke nediyar hatine rawestandin.
Ev biryar ji aliyê Wezareta Veguhastinê ya Îraqê ve ji bo parastina jiyana geştiyaran hatiye dayîn û demkî ye."
Li gorî agahiyên Rûdawê, Balafirgeha Navdewletî ya Hewlêrê jî heman biryar bicih kiriye û geştên asmanî bi awayekî demkî rawestandiye.
Wezîrê Veguhastinê yê Îraqê Rezzaq El-Sadawî ragihand ku qada asmanî ya Îraqê ji çûnûhatinê re hatiye girtin.
Herwiha Wezareta Veguhastinê ya Îraqê di daxuyaniyekê de ragihand ku hemû geştên asmanî hatine rawestandin.
Spaya Pasdaran a Îranê beriya bi saetekê eşkere kir ku bi mûşek û dronan êrişî Îsraîlê kiriye.
Li aliyê din Serokwezîrê Îsraîlê Benjamin Netanyahu jî derbarê êrişa Îranê de daxuyanî belav kir.
Benjamin Netanyahu ragihand ku sîstema Îsraîlê ya parastinê amade ye û ew dê bersivê bidin Îranê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse