Li Dîlokê kesek bi hinceta endamtiya YPGyê hat girtin

Hewlêr (Rûdaw) - Li parêzgeha Dîlokê welatiyekî Sûriyê bi hinceta ku berê di nav YPGyê de maye hat girtin.

Li gorî daxuyaniya ku ji aliyê Parêzgeriya Dîlokê ve hatiye dayîn, tîmên Fermandariya Cendirmeyan a Dîlokê kesekî welatiyê Sûriyeyê yê bi navê V.E.T. girtiye.

Hat diyarkirin ku ew bi hinceta ku ji 2016an heta 2018an di nav YPGyê de maye li navçeya Şehîtkamilê ya Dîlokê hatiye desteserkirin.

Cendirmeyan serê vê sibehê bi ser mala ku ew welatiyê Sûriyeyê lê dima de girtine û ew desteserkirine û birine Navenda Cendirmeyan.

Cendirmeyan piştî rêkarên destpêkê yên li wê navendê ew şandine dadgehê.

Li dadgehê dozger biryara girtina wî daye û ew welatiyê Sûriyeyê hat girtin û wan şand girtîgehê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger