Zarokekî Kurdê Êzidî: Dayîka min di navbera DAIŞiyan de hat firotin

Hewlêr (Rûdaw) - Zarokekî Kurdê Êzidî ku nû ji Kampa Holê hatiye derxistin, dibêje dayika wî li Meyadînê di dema şer de hat kuştin. Rizgarbûyê ji destê DAIŞê Tîman Nûrî Seîd herwiha da zanîn ku dayîka wî di navbera çekdarên DAIŞê de hatiye firotin.

Tîman Nûrî Seîd ji Rûdawê re got, dayika wî li Meyadîn di navbera çend çekdarên DAIŞê de hat firotin û pitşre di dema şer de hat kuştin.

Rizgarbûyê ji destê DAIŞê Tîman Nûrî Seîd herwiha da zanîn ku ku meta wî heya niha li Kampa Holê maye û ew daxwazê dike, ku ew jî ji wir bê derxistin.

Bi gotina Seîd, di dema şerê Baxoz de, meteke din a wî hatiye kuştin, û ew bi çend kesên din re hatin rizgarkirin.

Tîman vê yekê jî tîne ziman, ku çekdarên DAIŞê nedhiştin ew bi Kurdî bi hev re bipeyivin û ew li ser bikaranîna çekan perwerde dikirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger