Hewlêr (Rûdaw) - Di demjimêrên sibeha îro de hejmareke mûşek arasteyî Hewlêra paytexta Herêma Kurdistanê hatin kirin. Di encama wê êrişê de tenê ziyana maddî hebû û ti ziyaneke canî nebû.
Sedir: Hewlêr xwe naçemîne
Êrişa li ser Hewlêrê gelek karvedan li pey xwe anîn û Rêberê Tevgera Sedir jî di twîtekê de êrişa mûşekî ya li ser Hewlêrê şermezar kir û êrişkar wek “şikestxwar û şermezarbû” binav kirin û got, “Hewlêr xwe naçemîne, tenê ji bo miyanerewî, serbixweyî û serweriyê nebe.”
Muqteda Sedr ragihand tekez kir, “Hewlêr di bin agirê şikistxwarî û şermezarbûyan de ye. Di bin proseya birçîkirinê de ye. Weke ku Kurd ne Iraqî bin, lê ew şahdamara Iraqê ne û ji Iraqê û beşeke cudanebûyî ji Îraqê ne. Hewlêr xwe naçemîne, tenê ji bo miyanerewî, serbixweyî û serweriyê nebe.”
Serokê Tevgera Sedir hezkirin û silavên xwe ji Hewlêr û Kurdan re dişîne û dibêje, “Heya ku hikûmeta pirraniya nîştimanî pêk were, sebir bikin.”
Serokwezîrê Herêma Kurdistanê Mesrûr Barzanî: Hewlêr li ber tirsonekan çokê naçemînehttps://t.co/xUWNdmjBEz pic.twitter.com/yE5McekDKH
— RudawKurdi (@RudawKurdi) March 13, 2022
Mesrûr Barzanî bang li xelkê kir
Serokwezîrê Herêma Kurdistranê Mesrûr Barzanî jî di peyamekê de ragihand, ragihand ku “Hewlêr li ber tirsonekan xwe naçemîne.”
Mesrûr Barzanî di peyam xwe de dibêje: “Hewlêr li ber tirsonekan çokê naçemîne. Ez bi tundî vê êrişa terorî ya ser çend cihên Hewlêrê şermezar dikim û bangî xelkên leheng û mêrxasên Hewlêrê dikim, ku sebir bikin û rênîşanên dezgehên asayişê jî bi cih bihînin. Spasiya xweragirtina wê dikim.”
Dîmenên nû yên êrişa mûşekî ya li ser Hewlêrê... pic.twitter.com/9CyvLuLgtF
— RudawKurdi (@RudawKurdi) March 13, 2022
Kazimî: Êrîş li dijî gelê me ye
Serokwezîrê Iraqê Mistefa Kazimî derbarê êrîşa bi mûşekî ya li ser Hewlêrê ragihand, “Êrîşa ser Hewlêrê êrîşa li dijî ewlehiya gelê me ye.”
Serokwezîrê Iraqê Mistefa Kazimî di peyama xwe ya li ser hesabê xwe yê Twitterê de got, "Êrîşa ku bajarê hêja Hewlêrê û şêniyên wê dike armanc binpêkirina ewlehiya gelê me ye.”
Mistefa Kazimî ku peywendiyeke telefonî li gel Serokwezîrê Herêma Kurdistanê Mesrûr Barzanî encam da got, hêzên ewlehiyê dê lêkolînê li ser êrişê bikin û dê mijarê bişopînin.
Amerîkayê êriş şermezar kir
Amerîkayê êrişê îşev a bi mûşekî li dijî Hewlêrê wek “hêrsker û nîşandana tundrewiyê” pênase kir û êriş şermezar kir.
Berdevekê Wezareta Derve yê Amerîkayê ji Rûdawê re ragihand ku di encama mûşekbaranê de ti ziyan û qurbaniyek li ti avahiyeke hikûmeta Amerîka neketiye.
Berdevkê Wezareta Derve ya Amerîka, tevî ku têkez kir ku li ti ziyan û qurbaniyên wan nebûne, ji Tora Medyayî ya Rûdawê re eşkere kir ku ji aliyê hikûmeta Iraqê û hikûmeta herêma Kurdistanê ve lêkolînan destpê kiriye.
12 mûşekên Balistîk
Wezareta Navxwe ya Kurdistanê jî li ser êrişê ragihand, “12 mûşekên Balistîk ji derveyî sînorên Îraq û Herêma Kurdistanê ve ji aliyê Rojhilat ve arastey avahiya Konsûlxaneya Amerîka li Hewlêrê, navçeya nîştecîbûna sivîlan li nêzîk barageha kanala Kurdistan 24ê û dedora wê hatine kirin.”
Dije Terora Herêma Kurdistanê derbarê êrîşa li ser Hewlêrê de daxuyaniyek belav kir û tê de diyar kir ku ji derveyî sînorên Herêma Kurdistan û Iraqê bi mûşekên balîstîkî êrîşî Hewlêrê hatiye kirin.
Dije Teror dibêje: “Li gorî zanyariyan demjimêr 01:00ê şevê bi 12 mûşekên balîstîkî Konsulxaneya Amerîkayê ya li Hewlêrê hatiye armanckirin.”
Di encama êrişa bi mûşekî ya li dijî #Hewlêr`ê de kesek bi sivîkî birîndar bûhttps://t.co/xUWNdmjBEz pic.twitter.com/3DZSdCmcfH
— RudawKurdi (@RudawKurdi) March 13, 2022
`Mûşek ji aliyê Îranê ve hatin arastekirin`
Çend berpirsên Amerîkî ji rojnameya Wall Street Journal a Amerîkî re ragihandin, ew mûşekên ku sibeha îro Yekşemê arasteyî Herêma Kurdistanê hatine kirin û li nêzikî avahiya konsulxaneya nû ya Amerîkayê ketine xwarê ji aliyê Îranê ve hatine arastekirin.
Ew berpirsên Amerîkî dibêjin, ti ji wan mûşekan bi ber avahiya konsulxaneyê neketine û ti karmendekî konsulxaneyê jî ziyan nedîtiye.
Berpirsên Amerîkî amaje bi wê jî kirine, ew heta niha piştrast nînin ka armanca sereke ya êrişê ku der û çi bûye û lêkolîna li ser bûyerê jî temam nebûye.
`Hemû hêz di amadebaşiyê de ne`
Parêzgarê Hewlêrê Omêd Xoşnaw jî ragihand ku armanca êrişa li ser Hewlêrê Konsulxaneya Amerîkayê bû, lê êriş “negihişt armanca xwe û ti ziyanek nebûye.”
Omêd Xoşnaw ragihand ku hemû hêzên emnî di rewşa amadebaşiyê de ne û tekez kir, “Tirsonek nagihijin armanca xwe.”
Rêveberiya Firokexaneya Navdewletî ya Hewlêrê jî di daxuyaniyekê de ragihand, hemû geştên hatin û çûnê li firokexaneyê asayî ye û “ti geştek nehatiye hilweşandin.”
Ji ber êrîşa mûşekî ya bo ser #Hewlêr`ê zirarên madî gihîşte avahiya serekî ya kanala Kurdistan 24ê.https://t.co/xUWNdmjBEz
— RudawKurdi (@RudawKurdi) March 13, 2022
Wêne: Kurdistan 24 pic.twitter.com/WgpD7tRPV9
Êrişên li ser Hewlêrê
Îro Yekşemê 13yê Adara 2022yan bi mûşekan êrişî Hewlêrê hat kirin û hinek ji ewan mûşekan li nêzîkî cihên niştecihbûna xelkê ketin û ziyanên darayî jî bi çend xanî û avahiyan ket.
Di heyama nêzikî 2 salên derbasbûyî de ev nehemîn car e Hewlêrê dibe armanca êrişan. Êrişan jî piştî kuştina Fermandarê berê yê Supaya Quds a Îranê Qasim Sulêymanî û Cîgirê Serokê Heşdî Şebî Ebû Mehdî Muhendis, destpê kir û zêdetir binke û baregehên hêzên Amerîkî û Hevpeymanan tên armancgirtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse