Qeleyên Dêrîn Uzêrî tên rûxandin / Wêne: Ji ber dîmenan
Hewlêr (Rûdaw) – Piştî ku doh çend xanî û qeleyeke wî hatin rûxandin, îro jî qeleyeke din a Dêrîn Uzêrî hat rûxandin.
Dêrîn Uzêrî, Pêşmergeyekî payebilind ê Yekîneya 70yî ya Pêşmergeyan e.
Tê gotin ku bi darê zorê bac standiye û gule li sermayedarekî reşandine.
Dadwer biryar daye ku were desteserkirin û dest deynin ser hemû mal û milkê wî.
Meha borî li Silêmaniyê gule li sermayedarê bi navê Ehmed Kamîl hatibûn reşandin û tê gotin ku ev yek bi fermana Kwêxa Dêrîn Uzêrî bûye.
Ehmed Kamîl ji Tora Medyayî ya Rûdawê re behsa bûyerê kir û got:
“Min beriya ku ez bêm birîndarkirin bi du rojan yek milyon dolar da Kwêxa Dêrîn.”
Qeleya Dêrîn Uzêrî li ser rêya Dûkan û Silêmaniyê ye.
Nûçegihanê Rûdawê da zanîn ku di qeleya wî de dîwan, çend xanî û çewlîgeke ajelan jî hene.
Asayîşa Silêmaniyê doh beriya rûxandina xaniyên wî, ragihandibû ku biryara desteserkirina wî hatiye derxistin.
Dêrîn Uzêrî piştî ku fermana desteserkirina wî hatiye dayîn reviyaye û hîn jî nehatiye dîtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse