Nêçîrvan Barzanî û Boris Pistorius / Wêne: Serokatiya Herêma Kurdistanê
Hewlêr (Rûdaw) – Wezîrê Parastinê yê Almanyayê Boris Pistorius hat Hewlêrê û bi Serokê Herêma Kurdistanê Nêçîrvan Barzanî re civiya.
Alîkarê Serokê Herêma Kurdistanê, Wezîrê Pêşmergeyan û Balyozê Almanyayê yê Îraqê jî di civînê de cihê xwe girt.
Serokatiya Herêma Kurdistanê da zanîn, Nêçîrvan Barzanî ji bo piştgiriya ku di hemû biwaran de dide Îraq û Herêma Kurdistanê spasiya Almanyayê kiriye.
Li gorî daxuyaniya Serokatiyê, di civê de mijarên wekî “rûdanên li Sûriyeyê, bandora van rûdanan a li ser hêzên Koalîsyonê, rewşa Îraqê, hilbijartinên Parlamentoya Kurdistanê, hêwlên ji bo avakirina hikûmeta nû û pêwendiyên Hewlêr û Bexdayê” hatine nirxandin.
Nêçîrvan Barzanî û Boris Pistorius nêrînên xwe yên li ser pêwendiyên Almanyayê yên bi Îraq û Herêma Kurdistanê re jî anîne zimên.
Nêçîrvan Barzanî ji bo piştgiriya ku dema şerê DAIŞê daye Îraq û Herêma Kurdistanê pesnê rola Almanyayê daye.
Serokê Herêma Kurdistanê rola erênî ya Almanyayê ya ji bo yekkirina Pêşmergeyan bi bîr anî û piştgiriya ku Almanya dide kêmîneyan û bi taybetî jî dide Êzidiyan bilind nirxand.
Boris Pistorius jî da zanîn ku dê alîkarî û piştgiriya ku Almanya dide Îraq û Herêma Kurdistanê di hemû qadan de berdewam bike.
Wezîrê Parastinê yê Almanyayê kêfxweşiya xwe ya ji bo hebûna hêzên xwe yên li Îraq û Almanyayê nîşan da û diyar kir ku dê hêzên wan peywira xwe bidomînin.
Serokê Herêma Kurdistanê Nêçîrvan Barzanî û Wezîrê Parastinê yê Almanyayê Boris Pistorius li Hewlêrê li hev civiyan#NêçîrvanBarzanî #BorisPistorius pic.twitter.com/LOGqDhnhUQ
— RudawKurdi (@RudawKurdi) December 12, 2024
Divê were gotin ku 500 leşkerên Almanyayê li Îraq û Herêma Kurdistanê ne û Almanya di têkoşîna bi DAIŞê re xwediyê roleke girîng e.
Almanya di mijara reformên Pêşmergeyan û yekkirina hêzên Pêşmergeyan de jî xwedîrol e.
Almanyayê dema şerê DAIŞê li Hewlêrê ji bo Pêşmergeyan nexweşxaneyek ava kir û da ku Pêşmergeyên birîndar werin dermankirin.
Her wiha hinek çekên giran jî dan Pêşmergeyan da ku di şerê DAIŞê de bi kar bînin.
Wezîrê Parastinê yê Almanyayê Boris Pistorius hat Hewlêrê û ji aliyê Serokê Herêma Kurdistanê Nêçîrvan Barzanî ve hat pêşwazîkirin
— RudawKurdi (@RudawKurdi) December 12, 2024
#NêçîrvanBarzanî #BorisPistorius pic.twitter.com/Jj2nkKU3gM
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse