Hewlêr (Rûdaw) – Hevserokê Encûmena Xwecihî ya bajarokê Zirganê li Rojavayê Kurdistanê ragihand, di du hefteyên borî de ji ber topbarana Tirkiyê 500 malbat ji wî bajarokî koçber bûne.
Hevserokê Encûmena Xwecihî ya bajarokê Zirganê li bakurê Hesekê ku ser bi Rêveberiya Xweser ve ye, Salihê Simo ragihand ku di du hefteyên borî de ji ber topbarana Tirkiyê 500 malbat ji Zirganê ber bi navçeyên ewle ve koçber bûne.
Salihê Simo herwiha da zanîn ku li nav bajarokê Zirganê tenê ji sedî 10ê nîşteciyan mane û pêdiviya wan bi av, elektrîk, nan û telefonê heye.
Ji 20ê Mijdara borî ve, hêzên Tirkiyê bajarokê Zirganê û gundên derdorê bi dijwarî topbaran dikin, di encam de zirareke mezin gihîştiye jêraxana wî bajarokê Rojavayê Kurdistanê û pêleke koçberiyê destpê kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse