Hewlêr (Rûdaw) - Li parêzgeha Mêrdînê ya Bakurê Kurdistanê, di xwenîşandana li dijî tayînkirina qeyûman de 3 kes hatin desteserkirin û 2 ji wan bi biryara dadgehê hatin girtin.
Wezareta Karên Navxwe ya Tirkiyeyê 4ê Çiriya Paşîn qeyûm danîbûn ser Şaredariya Bajarê Mezin a Mêrdîn, Şaredariya Êlihê û Şaredariya Xelfetiyê ya Rihayê.
Piştî tayînkirina qeyûman li seranserê Bakurê Kurdistanê xwenîşandan û çalakiyên li dijî tayînkirina qeyûman dest pê kiribû û ew nerazîbûn hîn jî berdewam dikin.
Li Mêrdînê di xwenîşandana duh de 3 kes hatin desteserkirin û 2 ji wan bi biryara dadgehê hatin girtin.
Derbarê kesê din jî kar û barên yasayî berdewam dikin.
Li gorî amarên ku Wezareta Karên Navxwe yê Tirkiyeyê 10ê Çiriya Paşîn belav kirine, li Tirkiye û Bakurê Kurdistanê di protestoyên qeyûman de 253 kes hatine desteserkirin û 33 ji wan bi biryara dadgehê hatine girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse