Parlamenterekî Kurd ê xûlên berê yên parlamentoya Îranê bi Coronayê wefat kir

Hewlêr (Rûdaw) - Parlamenterekî berê yê bajarê Serdeşt a Rojhilatê Kurdistanê li parlamentoya Îranê, yê bi navê Mihemed Kerîmiyan bi sedema vîrusa Coronayê jiyana xwe ji dest da.

Mihemed Kerîmiyan roja Yekşemê li nexweşxaneyekî Tehran a paytexta Îranê di temenê 66 saliyê de jiyana xwe ji dest daye.

Dawûd Kerîmiyan, kurê Mihemed Kerîmiyan ragihand, “bavê min çar rojan li nexweşxaneyê di jêr çavdêriya pizîşkan de bû, lê mixabin nekarî bi ser Coronayê de biserkeve û canê xwe ji dest da.”

Mihemed Kerîmiyan bo dema 12 salan di navbera salên 1992-2000 ji bo xûlên çarem û pêncem ên parlamentoya Îranê û herwiha ji 2004 ta 2008ê bo xûla heftem a parlamentoya Îranê, nûneratiya bajarê Serdeşt û Pîranşarê di parlamentoya wî welatî de dikir.

Kerîmiyan herwiha endamê grûpên dostatî ya navbera Îran-Awustralya, Îran-Malî û Îran-Togo bûye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger