Mesûd Pizîşkiyan bi berpirsên Herêma Kurdistanê re dicive

Hewlêr (Rûdaw) - Serokkomarê Îranê Mesûd Pizîşkiyan bi berpirsên bala yên Herêma Kurdistanê re dicive.

Serokkomarê Îranê Mesûd Pizîşkiyan doh çûbû Bexdaya paytexta Îraqê û bi Serokkomarê Îraqê Letîf Reşîd, Serokwezîrê Îraqê Mihemed Şiya Sûdanî re civiyabû.

Mesûd Pizîşkiyan vê sibehê li Balafirgeha Navneteweyî ya Hewlêrê ji aliyê Nêçîrvan Barzanî ve hat pêşwazîkirin.

Serokê Herêma Kurdistanê Nêçîrvan Barzanî, Serokkomarê Îranê Mesûd Pizîşkiyan pêşwazî kir pic.twitter.com/9igcnXmFwd

— RudawKurdi (@RudawKurdi) September 12, 2024

Pizîşkiyan destpêkê li Ofîsa Serokê Herêma Kurdistanê bi Nêçîrvan Barzanî û Kabîneyê re civiya.

Serokkomarê Îranê paşê bi Serok Mesûd Barzanî re jî civînek kir.

Civîna Serkkomarê Îranê Mesûd Pizîşkiyan û Serok Mesûd Barzanî dest pê kir pic.twitter.com/2tv0BasQOI

— RudawKurdi (@RudawKurdi) September 12, 2024

Li gorî bernameyê, dê Serokkomarê Îranê piştî temasên li Hewlêrê derbasî Silêmaniyê bibe.

Mesûd Pizîşkiyan dê li Silêmaniyê gora Mam Celal ziyaret bike û bi Serokê Yekîtiya Niştimanî ya Kurdistanê (YNK) Bafil Talebanî re bicive.

Mesûd Pizîşkiyan 30ê Tîrmeha 2024an sonda yasayî xwar û bû serokkomarê nû yê Îranê.

Pizîşkiyan di yekem serdana xwe ya dîplomatîk a derveyî welat de doh çûbû Bexdayê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger