Nêçîrvan Barzanî gotarek pêşkeş kir/Wêne: Rûdaw
Hewlêr (Rûdaw) – Serokê Herêma Kurdistanê di pîrozbahiya 20emîn salvegera destpêkirina pêwendiyên Herêma Kurdistanê û Koreya Başûr de got, “Koreya Başûr dostê me yê dilsoz û gelekî baş e.”
Grûpa Zeytûnê ya artêşa Koreya Başûr sala 2004an hat Herêma Kurdistanê.
Serokê Herêma Kurdistanê Nêçîrvan Barzanî beşdarî çalakiya pîrozbahiya 20 saliya hatina Grûpa Zeytûnê ya artêşa Koreya Başûr a Herêma Kurdistanê bû.
Pîrozbahî ji aliyê Konsulxaneya Koreya Başûr a Herêma Kurdistanê ve hat lidarxistin.
Nêçîrvan Barzanî di gotara xwe de li ser 20 saliya pêwendiyên Koreya Başûr û Herêma Kurdistanê got:
“Koreya Başûr dostê me yê dilsoz û gelekî baş bû û em spasiya hemû hevkarî û alîkariyên wan dikin.”
Di pîrozbahiyê de gelek berpirsên hikûmetê, dîplomat û kesayetiyên navdar amade bûn.
Serokê Herêma Kurdistanê ragihand ku piştî derbasbûna 20 salan di ser pêwendiyên Herêma Kurdistanê û Koreya Başûr re heta niha jî dostaniyeke bihêz di navbera her du aliyan de heye.
Serokê Herêma Kurdistanê Nêçîrvan Barzanî her wiha anî ziman:
“Hatina Grûpa Zeytûnê destpêka vekirina nûnertiya Koreyê ya li Herêma Kurdistanê bû ku ji ofîsa dîplomasî ya Balyozxaneyê sala 2016an veguherand asta konsulxaneyê.”
Konsulê Koreya Başûr ê Hewlêrê Seungcheol Lim jî di pîrozbahiya 20 saliya pêwendiyên Herêma Kurdistanê û Koreya Başûr de strana “Baran baran e” stra.
Konsulê Koreya Başûr ê Hewlêrê Seungcheol Lim di pîrozbahiya 20 saliya pêwendiyên Herêma Kurdistanê û Koreya Başûr de strana ❝Baran baran e❞ stra pic.twitter.com/YQ2pAhPnqd
— RudawKurdi (@RudawKurdi) September 12, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse