Li Dîlokê otomobîlê li holika ewlehiyê da: Miriyek, 3 birîndar
Hewlêr (Rûdaw) - Li parêzgeha Dîlokê ya Bakurê Kurdistanê, şevê din otomobîlekê li holika (kulûbe/kosik) ewlehiyê da.
Di encam de kesek mir û 3 kes jî birîndar bûn.
Li ser otobana Dîlok-Rihayê otomobîla bi şofêrtiya Kadir P. ji rêyê derket û li holika ewlehiyê ya li kêleka rêyê da.
Di bûyerê de karmendê ewlehiyê Suleyman Ozkalali yê di holikê de mir û 3 kesên di otomobîlê de birîndar bûn.
Li ser agahdarkirinê tîmên tenduristiyê, tîmên parastina sivîlan û polîs çûn cihê bûyerê.
Tîmên tenduristiyê birîndar rakirin nexweşxaneyên cuda yên Dîlokê.
Tîman, termê Suleyman Ozkalali jî vehuhast Saziya Bijîşkiya Dadî ya Dîlokê.