Tevgera Azadî: Di hilbijartinên Kurdistanê de em piştgirî nadin ti lîsteyekê

Hewlêr (Rûdaw) – Tevgera Azadiya Civaka Kurdistanê ragihand ku di hilbijartinên Parlementoya Kurdistanê de ew piştgiriya ti hêz û partiyekê nakin.

Hevserokê Tevgera Azadiya Civaka Kurdistanê Mihemed Ebdullah li Silêmaniyê di civîneke çapemeniyê de ragihand ku di hilbijartinên 30ê Îlonê ya Parlementoya Kurdistanê de beşdarî û piştgiriya ti hêz û partiyeke siyasî nakin.

Mihemed Ebdullah herwiha got: “Li gor pîvanên welatparêzî, niştimanperwerî, nebûna dosyeya gendeliyê, pîvana demokrasî û xizmerkirina gel û baweriya têkoşîna netewî û hewldana wê, emê deng bidin berbijêran.”

Tevgera Azadiya Civaka Kurdistanê di 17-10-2014an de hatiye damezrandin, di hilbijartinên Iraqê de bi Nifşê Nû re beşdarî hilbijartinan bû û ji çar kursiyên Parlementoya Iraqê du kursî bi dest xistin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger