Li Colemêrgê li 4 herêman qedexe hat ragihandin

Hewlêr (Rûdaw) - Li parêzgeha Colemêrgê ya Bakurê Kurdistanê, 4 herêmên cuda 4 rojan wekî “herêma ewlehî ya taybet a demkî” hatin ragihandin.

Li parêzgehên Bakurê Kurdistanê bi hincetên ewlehiyê û operasyonan berdewam qedexe têne ragihandin.

Parêzgariya Colemêrgê ragihand, bi armanca “ewlehiya neteweyî, rêkxistina raya giştî û dabînkirina aramiyê, rêgirîkirina tawanan û parastina maf û azadiyên kesên din” li navenda Colemêrgê Girê Kuş, Girê Hirç, Girê Memê û quntarên Koç ji 12ê Tebaxa 2024an demjimêr 09:30 heta 15ê Tebaxa 2024an demjimêr 09:30an wekî “herêma ewlehiyê ya taybet a demkî” hatiye ragihandin.

Parêzgariryê ji welatiyan xwest ku ji bo ewlehiya can û malên xwe bê destûr neçin wan herêman.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger