Hewlêr (Rûdaw) - Li parêzgeha Rihayê ya Bakurê Kurdistanê, bi tohmeta diziyê 5 kes hatin desteserkirin û ji wan 4 kes bi biryara dadgehê hatin girtin.
Rêveberiya Ewlehiyê ya Rihayê li ser hesabê xwe yê medyaya civakî ragihand:
“Li Rihayê bi ser hinek navnîşanan de hat girtin û bi tohmeta ku dizî kirine Î.G, Î.K, C.A, Î.G. û F.G. hatin desteserkirin.
Di lêkolînan de diyar bû ku derbarê wan de 23 sûcên tomarkirî û biryara wan a desteserkirinê heye.”
Di lêgerîna malan de zêr û xişrê ku di demên dawî de hatibû dizîn û qîmeta wan bi qasî milyonek û 500 hezar lîre bû ku dike nêzîkî 500 hezar dolar hat girtin.
Hêzên ewlehiyê 5 kesên hatin desteserkirin piştî karên îfade wergirtinê ew birin Dadgeha Rihayê.
Dadgehê derbarê 4 kesan de biryara girtinê da û yek jî berda.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse