Hewlêr (Rûdaw) - Li parêzgeha Qersê ya Bakurê Kurdistanê, karkerê ku ji ber xwarinê bi jehrî ket, canê xwe ji dest da.
Li parêzgeha Qersê karkerên bi navê Gurbuz K. û Orhan D. yên li Bendava Zarûşadê (Arpaçay) dixebitin şeva borî di şîvê de masî û mirîşk xwarin.
Piştî ku kesûkarên wan agahî ji wan wernegirt û negihiştin telefonên wan tîmên pêwendîdar agahdar kirin.
Li ser agahdarkirinê tîmên tenduristiyê çûn cihê karê karkeran û Gurbuz K. bi mirî û Orhan D. jî bi awayekî ji ser xwe ve çûyî dîtin.
Tîmên tenduristiyê Orhan D. veguhast Navenda Lêkolîn û Cîbicîkirina Tendirustiyê ya Zanîngeha Kafkasê.
Tîman termê Gurbuz K. jî ji bo karên otopsiyê veguhast morga Nexweşxaneya Dewletê ya Qersê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse