Xwendekarên Zanîngeha Colemêrgê li mêrgên Geverê dersan dibînin / Wêne: AA
Hewlêr (Rûdaw) - Xwendekarên Zanîngeha Colemêrgê yên Beşa Parastina Ajel û Nebatan, li deştên Geverê dersan dibînin.
Xwendekaran ji bo karibin tiştên ku di dersan de dibînin ji nêzîk ve bibînin û lêkolînan li ser wan bikin berê xwe daye mêrgên deşta Geverê.
Mamostayê Zanîngehê Dr. Erkan Azîzoglu wiha behsa armanca vê çalakiyê kir:
“Me ew anîn cihekî ku corên nebat û ajelan lê zêde bin da ku dersên xwe zindî bibînin.
Mêrgên deşta Geverê di nav mêrgên herî mezin ên Tirkiyeyê de ne.
Bi mebesta naskirina vê deverê û dîtina candarên di nav van mêrgan de me xwedekar anîn vir.”
Li vê mêrgê gelek corên teyr û tilûran hene.
Herwiha marên avê û çend cureyên xişxişokan hene.
Xwendekaran di çarçoveya vê çalakiya xwe de li ser beşekê ji wan lêkolîn kirin.
Ew bi hatina vê herêmê û vê çalakiya cuda gelekî kêfxweş in.
“Ji bo me tecrubeyeke cuda bû”
Xwendekar Yunus Er li ser vê serpêhatiya cuda got:
“Me li mêrgeke girîng a Geverê dest bi lêkolînê kir.
Me li ser çend cureyên nebat û candaran lêkolîn kirin. Ji bo me tecrubeyeke cuda bû.”
Li zanîngeha Colemêrgê 15 xwendekarên ku vê beşê dixwînin hene.
Li Zanîngeha Colemêrgê bi giştî 2 hezar û 317 xwendekar hene.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse