Navenda Nûçeyan - Li Bakurê Kurdistanê navçeya Nisêbîn a Mêrdînê zarokekî bi navê Hogir Kayran li erdê tiştekî dîtiye û di destê wî de teqiyaye, di encama teqînê de zarokê 11 salî canê xwe ji dest da.
Hat ragihandin ku li taxa Dîcle ya Nisêbînê zarokê 11 salî Hogir Kayran dema ku pezên xwe li cihekî ku bermahiyên xaniyan hatine avêtin diçêrand, li erdê maddeyeke hesinî dîtiye û pê re lîstiye û ew madde di destê wî de teqiyaye.
Di encama teqînê de zarokê birîndar, bi agahdarkirina welatiyên li nêzîkî cihê bûyerê, bi ambulansê ber bi Nexweşxaneya Dewletê ya Nisêbînê hat rakirin, lê belê tevî hemû hewldanan zarokê bi navê Hogir Kayran nehat rizgarkirin û jiyana xwe ji dest da.
Termê zarokê 11 salî ji bo otopsiyê rakirin morga nexweşxaneyê û li ser bûyerê lêpirsîn hat destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse