Hewlêr (Rûdaw) - Li gundê Bastam a navçeya Xebat a ser bi Hewlêrê ji ber reşebayê û barîna baraneke zêde banê malekê hate xwarê û di encamê de 3 zarok birîndar bûn.
Nûçegîhana Rûdawê Dilniya Rehman ji nav mala ku banê wê hilweşiyaye got, “Li navçeya Xebatê beriya demjimêrekê reşebayeke xurt hebû û baraneke zêde bariyaye. Ji ber reşebayê camên malekê bi temamî şikestine û her wiha banê xaniyekê hilweşiyaye, di encamê de 3 zarokên malê bi sivikî birîndar bûne.”
Xwediyê malê û bavê 3 zarokên birîndar Mistefa ji Rûdawê re got, “Di demjimêr 15:00an de ez li ser karê xwe bûm, telefona min kirin û gotin banê mala te hilweşiyaye û îşev ji ber reşeba û bahozê divê ji mala xwe derkevin.”
2 kur û keçeke Mistefa ji ber caman û hilweşîna banê malê birîndar bûne, Mistefa anî ziman, “Serê yekî ji wan bi camê şikestiye, yek ji her du ling û yê din jî ji milê xwe birîndar e. Zarokên min 15 û 10 salî ne, rewşa wan baş e. Li mala xwarziyê min in, heta niha derfet nebûye ku bibin nexweşxaneyê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse