Hewlêr (Rûdaw) - Li navçeya Xelîliyê ser bi parêzgeha Rihayê ya Bakurê Kurdistanê zarokekî xelkê Suriyê ket kanala avê û xeniqî.
Li gor agahiyan, li taxa Konuklu zarokê bi navê H.C. yê temen 12 salî ketiye kanala avê ya di vê taxê re derbas dibû û xeniqiye.
Ligel hemû hewldanên xelkê derdorê, nikarîne zarokê navborî rizgar bikin û zarok di avê de wenda dibe. Lê piştî hatina tîmên binavger, termê wî zarokî 2 kîlometre dûrî cihê bûyerê hat dîtin.
Bo pişkinîna otopsiyê termê wî zarokî bo Pizîşkiya Dadî ya Rihayê hat veguhestin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse