ÊLIH - Otomobîlek li kamyonetekê qelibî: Kesek mir û 2 kes birîndar in
Hewlêr (Rûdaw) - Li parêzgeha Êlihê ya Bakurê Kurdistanê otomobîlek li kamyonetekê qelibî û di encamê de kesek mir û 2 kes jî birîndar bûn.
Li ser rêya Êlih û navçeya wê Hezoyê doh bi şev otomobîlek li kamyonetekê qelibî.
Li ser agahdarkirinê tîmên tenduristiyê çûn cihê bûyerê.
Tîman 3 kesên ku di otomobîlê de asê mabûn derxistin.
Hat ragihandin ku şofêrê otomobîlê li cihê bûyerê canê xwe ji dest daye.
Tîman her du kesên birîndar jî birin Nexweşxaneya Lêkolîn û Perwerdê ya Êlihê.