Civîna awarte ya Goranê li Hewlêrê

Hewlêr (Rûdaw) – Îro wezîr û parlamenterên Tevgera Goranê dê li Hewlêrê civîneke awarte lidar bixin.

Li gor agahiyên Rûdawê, piştî ku PDKê bi rêya nûnerên xwe ve wezîr û parlamenterên Goranê agahdar kirin ku ji hikûmetê derkevin û li ser karê xwe amade nebin, Goranê ragihand, ku wezîr û parlemanterên wan dê roja 12ê Cotmehê li Hewlêrê bicivin.

Wezîrê Ewqaf û Karûbarên Olî Kemal Muslim k user bi Tevgera Goranê ye, di daxuyaniyekê de ji Rûdawê re ragihand: Piştî ku em ji aliyê PDKê ve hatin agahdarkirin ku gerek em Hewlêrê bi cih bihêlin. Biryar e 12ê Cotmehê saet 23:00 hemû parlamenter û wezîrên Goranê li Hewlêrê bicivin.

Ji ber xwepêşandan û êrişên bo ser baregehên PDKê li sînorê parêzgeha Silêmanî û Helebceyê, pêwendiyên navbera PDKê û Goranê aloz bûne.

PDKê Tevgera Goranê û şexsê Newşîrwan Mistefa bi wê yekê tohmetbar dike ku destê wan li pişt aloziyan û êriş û şewitandina baregehên PDKê li bajar û bajarokên Silêmaniyê de heye.

Goranê di daxuyaniyekê de ew yek red kiriye û ragihandiye, ku xelk ji ber arîşeyên xizmetguzarî, bûmûçeyî û kirîza serokatiyê û çaresernebûna giriftên wan daketine ser cadeyan û xwepêşandanê dikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger