Li Bêdlîsê zilamê ji zinar ket canê xwe ji dest da
Hewlêr (Rûdaw) - Li parêzgeha Bêdlîsê ya Bakurê Kurdistanê, îro zilamekî 75 salî ji ser zinaran ket newalê û canê xwe ji dest da.
Li nêzîkî rêya Bêdlîs-Tetwanê, Emin Demircanê 75 salî ji ber sedemeke nehat zanîn ji zinarên ser çiya ket newalê.
Emin Demircan li cihê bûyerê canê xwe ji dest da.
Li ser agahdarkirinê tîmên tenduristiyê, tîmên parastina sivîlan û polîs çûn cihê bûyerê.
Termê Demircan ji nav newala hat derxistin û tîma tenduristiyê term bir morga Nexweşxaneya Dewletê ya Bêdlîsê.