Hewlêr (Rûdaw) - Li parêzgeha Êlihê ya Bakurê Kurdistanê Kompaniya bi nave Çagatay ji bo 29 karmendên ku dê li Nexweşxaneya Lêkolîn û Perwerdehiyê kar bikin belavok weşand û 8 hezar û 973 kesî serlêdan kir. Ev bûye sedem ku rêjeya bêkariyê li Tirkiyê û Bakurê Kurdistanê hê baştir bê dîtin.
Kompaniya Anonîm a Xizmetên Saziyî ya Çagatay a îhaleya “girtina kar a xizmeta xwarinê” ya Nexweşxaneya Lêkolîn û Perwerdehiyê ya Êlihê girtiye, bi armanca wergirtina 29 karmendan belavok weşand û di encamê de 8 hezar û 973 kesan serlêdan kir.
Li gor peyama kompaniyê ji bo pêwîstiya 17 garsonan 5 hezar û 702 kesan, 3 firaqşoyan 1 hezar û 941 kesan, 4 alîkarê xwarinpêjan 545 kesan, kesekî kêmendam ê paqijiyê 497 kesan û bo firaqşoyekî kêmendam 97 kesan serî lê daye.
Bi vî awayî 8 hezar û 74 kesan mafên ketina pişkê qezenc kiriye.
Hatiye ragihandin ku wê hilbijartina personelan li Hola Konferansê ya Ahmet Guneştekîn bi erê kirina noterê pêk were.
Saziya Amaran a Tirkiyê –TUIKê ragihandibû ku di Hezîranê de rêjeya bêkariyê li Tirkiyê ji sedî 10.6 e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse