Hewlêr (Rûdaw) - Kompaniya petrolê ya Brîtanyayê Shell ji ber ku li benzînxaneyên xwe bi hemû zimanan `Hûn bi xêr hatin` nivîsand û cih neda Kurdî, di nav Kurdan de bû sedema nerazîbûnan. Kurdan li ser medyaya civakî ji bo boykotkirina Shellê kampînek dan destpêkirin.
Kompaniya petrolê ya Brîtanyayê Shell li ser camên benzînxaneyên xwe bi hemû zimanan `Hûn bi xêr hatin` nivîsand lê cih neda Kurdî. Ev helwesta Shellê di nav Kurdan de bû sedema bertekan.
Ji ber ku Shellê cih neda Kurdî li ser medyaya civakî kampîneke boykotê ya bi hashtaga #BoycottShellForKurdish (Kurd Shellê Boykot Dikin) hat destpêkirin”
Gelek bikarhênerên medyaya civakî û herwiha kesayetiyên navdar piştgirî dan kampanyaya boykotkirina Shellê.
Berdevkê HEZKURDê Barij Celalî li ser hesabê xwe yê Twitterê bi Îngilîzî û Kurdî parvekirinek kir û tê de dibêje “Hûn nikarin zimanê 70 mîlyon Kurd, li ser axa wan înkar bikin!”
#BoycottShellForKurdish#ForKurdish@Shell
— Barij Celalî (@BrjCelali) July 10, 2023
70 million Kurds live worldwide. You can't ignore their language, in their land! pic.twitter.com/O7R7YZ7MJp
Koordînatorê HEZKURDê Fevzî Bulgan jî li ser hesabê xwe yê Twîtterê UNESCO û Shellê etîket kir û bi Kurdî, Îngilîzî û Tirkî parvekirinek kir û tê de wiha dibêje “Nayê qebûlkirin ku şîrketa petrolê ya Brîtanya Shell bi 10 zimanan zimanê kurdî nekeve xizmeta xwe. Em dixwazin xizmeta zimanê kurdî jî di çarçoveya serlêdanê de cih bigire.”
Nayê qebûlkirin ku şîrketa petrolê ya Brîtanya Shell bi 10 zimanan zimanê kurdî nekeve xizmeta xwe.
— Fevzi BULGAN (@fevzibulganHZK) July 11, 2023
Em dixwazin xizmeta zimanê kurdî jî di çarçoveya serlêdanê de cih bigire.
İngiliz petrol şirketi Shell'in ( @Shell) 10 dilde hizmet kapsamında yaptığı uygulamada Kürtçeye yer… pic.twitter.com/4EI4o10jtP
Herwiha hunermendê Kurd ê navdar Nizamettin Arîç li ser hesabê xwe yê Twitterê bi Almanî, Tirkî û Kurdî piştgiriyê da kampanyaya boykotkirinê û dibêje “Divê em Kurd hemû berhemên vê şîrketa qirêj @Shell boykot bikin…”
Divê em Kurd hemû berhemên vê şîrketa qirêj @Shell boykot bikin…
— Nizamettin Ariç (@aricnizamettin) July 11, 2023
Wir Kurden sollten alle Produkte dieser schmutzigen Firma @Shell boykottieren.
Biz Kurdler bu pislik firmanın @Shell bütün ürünlerini boykot etmeliyiz.#BoycottShellForKurdish#ForKurdish pic.twitter.com/hKmiEPfWzf
Bikarhênerekî din ê Twitterê bi kurdî û îngîlîzî bertek nîşan da û got, “Dev ji nijadperestiya li dijî Kurdan berdin.”
Sagen Sie Schluss mit dem Rassismus gegen Kurden!
— ✹ARYAN (@ciwanekxwenas) July 10, 2023
Say stop to racism against Kurds!
Dev ji nijadperestiya li dijî Kurdan berdin!#BoycottShellForKurdish#ForKurdish@Shell
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse