Li Wanê mînîbûsa koçberan wergeriya: 12 mirî, 20 birîndar

Hewlêr (Rûdaw) - Li Wana Bakurê Kurdistanê, di encama bûyereke hatinûçûnê de 12 koçberan jiyana xwe ji dest dan û 20 kes jî birîndar bûn.

Şeva derbasbûyî li nêzikî gundê Yumakli ê ser bi navçeya Bêgir a Wanê ve, mînîbûsa ku koçberên neyasayî tê de bûn, ji rê derket û wergeriya.

Li ser agahdarkirina xelkê, hejmareke zêde ya tîmên tendirustî, hawarçûn û cendirme bo cihê bûyerê hatin veguhastin.

Piştî ku ew mînîbûs ji rê derket û wergeriya, şewat jî tê de derket û li gor zanyariyan di encama bûyerê de 6 kesan ji ber şewatê, bi giştî 12 kesan jiyana xwe ji dest dan.

Herwiha di encama bûyerê de 20 koçber jî birîndar bûn û ew kes jî bo nexweşxaneyên navçeyên Bêgir û Erdîşê hatin veguhastin.

Fermandarê Cendirme li Wanê Yuksel Yîgît, Qaymeqamê Bêgirê Erkan Savar û Fermandarê Cendirme li Bêgirê Evren Kaptan jî gihiştin cihê bûyerê û zanyarî wegertin.

Derbarê bûyerê de lêpirsîneke berfireh hat destpêkirin.

Ev bûyer di demekê de ye ku hejmareke zêde ya koçberên ji welatên wek Efxanistan, Pakistan û welatên din, berê xwe didin Wanê bo ku derbasî deverên din ên Bakurê Kurdistan û Tirkiyê bibin.

Her ji ber vê sedemê heta niha ji ber bûyerên ciwayaz bi dehan koçberan li sînorîn parêzgaha Wanê jiyana xwe ji dest dane.