Hewlêr (Rûdaw) - Li navçeya Berwarî ser bi parêzgeha Sêrtê ya Bakurê Kurdistanê 2 perestyarên ku bo seyranê çûbûn çolê, ketin çemê Mukusê û yekê ji wan canê xwe ji dest da û yek jî wenda ye.
Li gor agahiyan li mezra Bêdarê ser bi navçeya Berwariyê, 2 perestyarên girêdayî Rêveberiya Tendirûstiyê ya navçeyê, dema li seyranê bûne, lingê yekê ji wan şemitiye û ketiye nav Çemê Mukusê. Herwiha ji bo rizgarkirina hevala xwe perestyara din jî ketiye nav avê û ew jî li ber avê çûye.
Piştî lêgerîna tîmên Komelaya Karesat û Rewşa Awarte (AFAD) perestyarek bi birîndarî ji avê hatiye derxistin, lê ligel hemû midexaleyan canê xwe ji dest daye û perestyara din jî hê wenda ye.
Li gor agahiyan tîmên girêdayî AFADê lêgerina bo perestyara wenda berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse