Li Şirnexê kana komirê hilweşiya

RÛDAW

Navenda Nûçeyan – Li bajarê Şirnexê yê Bakurê Kurdistanê kana ku jê komir dihate derxistin, hilweşiya, di encama bûyerê de karkerekî jiyana xwe ji dest da û karkerek jî birîndar bû.

 

Li devera Avahiyên Madenê ya 15 kîlometre li ser rêya Şirnex – Cizîrê, kana komirê hilweşiya.

 

Di bûyerê de ji karkerên ku kana komirê bi ser wan de hilweşiya, karkerê bi navê Reşit Ozcan yê 45 salî jiyana xwe ji dest da û karkerê bi navê Kamul Sunar yê 43 salî jî birîndar bû.

 

Tîmên lêgerîn û rizgarkirinê xwe gihandin termê Reşit Ozcan.

 

Karkerê birîndar jî, bo nexweşxaneyê hat veguhestin.