Cotkarê ku ga erîşî wî kir canê xwe ji dest da

RÛDAW

Hewlêr (Rûdaw) - Li navçeya Qamûşan a ser bi parêzgeha Qersê li Bakurê Kurdistanê cotkarê ku ga erîşî wî kir canê xwe ji dest da.

Emrullah Apar ê (22) ku li gundê Mescidiyê cotkarî dikir dema ajelên xwe li mêrga gund diçêrandin ga êrîşî wî kir.

Piştî ku gundiyan xeber da rayedaran, ekîbên tenduristiyê yên ku çûn gund dîtin Emrullah Apar ê bavê 4 zarokan ji ber derbên ga canê xwe ji dest daye.

Tîmên cendirmeyê li cihê bûyerê lêpirsîn dan destpêkirin.

Cenaze bi mebesta otopsiyê bo morga Nexweşxaneya Dewletê ya Qamûşanê hat veguhestin.