Hewlêr (Rûdaw) - Li parêzgehên Wan, Erzirom, Agirî, Mûş, Sêrt, Bêdlîs, Colemêrg û Şirnexê yên Bakurê Kurdistanê berfeke zêde dibare.
Saziya Keşnasiyê ya Tirkiyeyê ji bo 8 bajarên Bakurê Kurdistanê hişyariya berfa zêde û ji bo hinek bajaran jî hişyariya barana gur da.
Li gorî Saziya Keşnasiyê îro li parêzgehaên Wan, Erzirom, Agirî, Mûş, Sêrt, Bêdlîs, Colemêrg û Şirnexê berf dibare.
Li gorî pêşbîniyan, berf dê heta roja êvara yekşemê berdewam bike.
Herwiha li parêzgehên Amed, Riha, Mêrdîn û Dîlokê jî barana gur dibare.
Ji ber berfê li gelek bajaran pirsgirêkên çûnûhatinê çêbûn û tîmên paqijkirina rêyan jî xebatên xwe berdewam dikin.
Saziya Keşnasiyê ji welatiyan daxwaz kir, ji bo îhtimala rabûna lehiyê û pirsgirêkên çûnûhatinê tedbîrên pêwîst wergirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse