Hewlêr (Rûdaw) - Serokê Partiya Doza Azad (HUDAPAR) Zekeriya Yapicioglu ragihand ku ew dê di hilbijartinên xwecihî de li bajarên Stenbol, Enqere û Îzmirê piştgiriya Hevpeymaniya Cumhur bikin.
HUDA PARê li parêzgeha Rihayê ya Bakurê Kurdistanê bernameyek li dar xist û hinek berbijêrên xwe yên bajarên Bakurê Kurdistanê dan nasîn.
Serokê HUDA PARê Zekeriya Yapicioglu diyar kir ku di hilbijartinên 31ê Adara 2024an de li Stenbol, Enqere û Îzmirê deng didin berbijêrên Hevpeymaniya Cumhur.
Zekiriya Yapicioglu da zanîn ku li bajarên din jî bi partî û logoya dê xwe beşdarî hilbijartinên şaredariyan dibin.
Serokê HUDA PARê wiha got:
“Me li Rihayê yekemîn bernameya danasîna berbijêrên xwe li dar xist. Me li gel berbijêrên şaredariyên bajarê mezin ên Riha û Amed 7 berbijêrên xwe da nasandin.
Em dê li Stenbol, Enqere û Îzmirê piştgiriya berbijêrên şaredariya bajarê mezin ên Hevpeymaniya Cumhur bikin.
Li bajar û navçeyên din jî nêrîna me ew e ku, em bi berbijêrên xwe beşdar bibin.
Dînamik, şert û taybetmendiyên hilbijartinên xwecihî cuda ne û li gorî wê bi partiyan re tifaqên xwecihî têne kirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse