Hewlêr (Rûdaw) - Li parêzgeha Wanê ya Bakurê Kurdistanê vê sibehê ji ber mij û qeşayê li ser rêya di navbera Wan û Erdîşê de 30 otomobîl li hev qelibîn û di encam de 2 kesan canê xwe ji dest da û 15 kes birîndar bûn.
Vê sibehê li ser rêya Wan-Erdîşê li 15 kîlometeyan nêzîkî Tuşbayê ji ber mij û qeşayê qezeyek çêbû.
Di kêliya ku ekîban midaxaleyî qezaya yekemîn dikir de li nêzîkê wê herêmê qezayeke duyemîn çêbû û di vê qezayê de jî gelek wesayît li qulibîn.
Nêzîkî 30 wesayîtî tevî her du qezayan bûn û li gorî tesbîtên ewil 2 kes mirin, 15 kes birîndar bûn û rê hat girtin.
Li ser agahdarkirinê tîmên tenduristiyê, cendirme, polîs, AFAD û tîmên parastina sivîlan çûn cihê bûyerê.
Tîmên tenduristiyê birîndar veguhastin nexweşxaneyên derdorê.
Parêzgarê Wanê Ozan Balci jî derbarê qezayê daxuyanî da û got:
“Piştî raporê yekser hemû tîmên me sewqî cihê qezayê hatin kirin.
Niha jî xebatên ekîbên me ji bo veguhastina birîndaran û rakirina wesayîtên qezayê didomin.
Rê hat girtin. Piştî ku wesayit bên rakirin dê were vekirin. Xweda rehma xwe li welatiyên me yên ku canê xwe ji dest daye bike.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse