Berfa li Erziromê / Wêne: AA
Hewlêr (Rûdaw) - Piştî berfê li gelek bajarên Bakurê Kurdistanê rê hatin girtin.
Li parêzgehên Wan, Mûş, Bêdlîs, Colemêrg, Sêrt û Agirî xebatên vekirina rêyan ji aliyê tîmên Saziya Rêyên Bejahî ve tên kirin.
Rêvebirê 11emîn Saziya Herêmê ya Rêyên Bêjahî Hasan Ali Arslan got:
“Em bi hezar û 448 karmendan kar û xebatên berfê dikin.
Me ji bo xebatên berfê amadekariyên xwe temam kirine.
Me nêzîkî 16 hezar ton xwê û nêzîkî 20 hezar ton xêx depo kirine.
Li tevahiya herêma em li 4 parêzgehan û du navçeyan kar dikin.”
Hasan Ali Arslan herwiha ji şofêran xwest ku dema berf dibare tekerên zivistanê bi kar bînin.
Ji bilî Riha û Mêrdînê li hemû bajarên Bakur berf û baran e
Li gorî Saziya Keşnasiyê ya Tirkiyeyê, ji bilî bajarên Riha û Mêrdînê li hemû bajarên Bakurê Kurdistanê baran û berf dibare.
Li bajarên Erzirom, Qers, Agirî, Erdexan, Colemêrg, Mûş û Bêdlîsê berf dibare.
Herwiha ji bo bajarên Erzîngan û Dêrsîmê di asta zer de hişyariya barana gur hat dayîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse