Hewlêr (Rûdaw) – Termê Profesor Dr. Cemal Nebez bi rêya Balafirxaneya Silêmanî tînin Kurdistanê.
Xwişka nivîskar û bîrmendê navdar ê Kurd mamoste Cemal Nebez, Nîmet Tofîq ragihand: “Em spasiya hemû wan kesan dikin ku bi boneya koça dawî ya Profesor Dr. Cemal Nebez hevxemiya xwe ji me re nîşan dane.”
Nîmet Tofîq di peyama xwe de dibêje: “Em termê mamoste Cemal Nebez tînin Kurdistanê û li ser axa pîroz a Kurdistanê tê veşartin. Termê wî ji Almanyayê tînin Balafirxaneya Silêmaniyê.”
Biryar e li Balafirxaneya Silêmaniyê merasîma pêşwazîkirina termê Profesor Dr. Cemal Nebez were encamdan.
Nîmet Tofîq dibêje: “Em weke malbata mamoste Cemal Nebez lêçûnên hemû xerciyan û anîna term û bixakspartin û merasîma cenazeyê digrin ser stûyê xwe.”
Roja şemiyê 08-12-2018an nivîskar û bîrmendê navdar ê Kurd Profesor Dr. Cemal Nebez di temenê xwe yê 85 salî de, ji ber nexweşiyekê li paytexta Almanyayê bajarê Berlînê koça dawî kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse