Li Êlihê minîbus û traktor li hev qelibîn: 5 kes birîndar bûn
Hewlêr (Rûdaw) - Li navçeya Kercosê ya Êliha Bakurê Kurdistanê minîbusekê ji paş ve li traktorekê da û 5 kes birîndar bûn.
Minîbusa ku şofêrê wê E.E. bû li ser rêya Kercos û Midyadê, li gundê Gulika ji paş ve li traktora ku şofêrê wê M.Ş. bû xist.
Di qezayê de traktor wergeriya, her du ajokar û 3 kesên di minîbusê de birîndar bûn.
Li ser agahdarkirinê tîmên tendursitiyê û cendirme çûn cihê qezayê.
Tîmên tenduristiyê birîndar bi ambulansan rakirin Nexweşxaneya Dewletê ya Kercosê.