Li Zap-Avaşînê leşkerekî din mir
Hewlêr (Rûdaw) – Wezareta Parastinê ya Tirkiyeyê ragihand ku li Başûrê Kurdistanê leşkerekî wan miriye.
Li gorî daxuyaniya Wezaretê, leşkerên wan pê li mayinê kiriye û miriye.
Herwiha hat ragihandin ku navê wî leşkerî Mustafa Çakmak e û ew çawişê pispor bûye.
Îro li Başûrê Kurdistanê leşkerekî din ê Tirkiyeyê hatibû kuştin.
“Operasyona Pence-Kilîdê”
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.