![Rojavayê Kurdistanê îro Şemiyê 10 Cotmeha 2020an ji bo tawanbarên ku berî îro sûc pêk anîne, efû derxist Rojavayê Kurdistanê îro Şemiyê 10 Cotmeha 2020an ji bo tawanbarên ku berî îro sûc pêk anîne, efû derxist](https://www.rudaw.net/s3/rudaw.net/ContentFiles/541058Image1.jpg?mode=crop&quality=70&rand=1&scale=both&w=752&h=472&version=3911844)
Rojavayê Kurdistanê îro Şemiyê 10 Cotmeha 2020an ji bo tawanbarên ku berî îro sûc pêk anîne, efû derxist
Hewlêr (Rûdaw) - Rêveberiya Xweser a Rojavayê Kurdistanê efûya giştî ji bo hemû tawanên ku berî 10ê Cotmeha 2020an hatine kirin derxist.
Meclisa Giştî ya Rêveberiya Xweser a Rojavayê Kurdistanê îro Şemiyê 10 Cotmeha 2020an hemû tawanbarên ku berî îro sûc pêk anîne, efû kirin.
Rêveberiya Xweser biryarnameyek derxist û di nav de sûcên ku nakevin nava biryara efûyê, diyar kirin.
Li gor biryara efûya giştî ku bi îmza hevserokatiya Rêveberiya Xweser, îro, roja 10 cotmehê derçûye, cezayên binpêkirin û gunehan bi temamî tên efûkirin.
Cezayê cinayetan ji cezayê heta hetayê dibe 20 sal zindan û cezayê zindanê ji bo nîvî tê kêmkirin.
Eger kesê cezakirî bi nexweşiyeke bêçare be, tevahiya hikûmê wî tê efûkirin.
Sûcên ku nakevin nava biryara efûyê wiha ne: “Sûcên îxanet û ajantiyê, sûcên kuştina bi hinceta namûsê, sûcên bazirganiya madeyên hişbirê, fermandar û endamên rêxistinên terorîst ên beşdarî operasyonên leşkerî û teqînan bûne û hemû sûcdarên dozên terorê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse