Kurdistan
Di êrişên Tirkiyeyê de keskî canê xwe ji dest da û 2 zarok birîndar bû / Wêne: Medyaya civakî
Hewlêr (Rûdaw) – Di encama êrişên artêşa Tirkiyeyê û çekdaran de, li navçeya Şehbayê kesekî canê xwe ji dest da û 2 zarok jî birîndar bûn.
Artêşa Tirkiyeyê û çekdarên mixalefeta Sûriyeyê yên nêzîkî Tirkiyeyê, bi berdewamî êrişî derdor û gundên herêma Efrîn û Şehbayê dikin.
Rêxistina Mafên Mirovan a Efrîn-Sûriyeyê ragihand ku hêzên Tirkiyeyê duh gundewarên navçeya Şehbayê ya ku dikeve bakurê parêzgeha Helebê topbaran kirin.
Di encama topbarana Tirkiyeyê de li gundê Tinnibê yê Şerayê 2 zarokên bi navên Ehmed Fêsel Cinêdî yê 6 salî û Zeyneb Fêsel Cinêdiya 4 salî birîndar bûn.
Di êrişên li devera bajarokê Şêrawayê de jî hêzên Tirkiyeyê û çekdarên mixalefeta Sûriyeyê, bi tank, guleyên obus û dronan gundên Aqîbê û Dêr Cemalê hedef girtin.
Di wan êrişa de kesekî bi navê Mihemed Sadiq Omer ê 30 salî yê ji gundê Kefir Nasihê bi giranî birîndar bû.
Mihemed Sadiq Omer li Nexweşxaneya Avînê ya Şehbayê canê xwe ji dest da.
Her li gorî Rêxistina Mafên Mirovan a Efrîn-Sûriyeyê, bi sedema wan êrişên Tirkiyeyê zerer gihîşt mal û milkên xelkê herêmê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse