Li Agiriyê barana gur: Rê û kolan di bin avê de man

RÛDAW

Hewlêr (Rûdaw) - Li navçeya Bazîdê ya parêzgeha Agiriya Bakurê Kurdistanê, şeva borî barana gur bariya û rê û kolan di bin avê de man.

Li Bakurê Kurdistanê her çiqasî heta niha li hinek bajaran germahiyeke zêde hebe û pile di ser 40î re bin jî li hinek bajarên Serhedê berf û baranê dest pê kiriye.

Li Bazîdê şeva borî barana gur bariya û di encamê de rê, cade û kolan di bin avê de man.

Herwiha ji ber barana boş pirsgirêkên trafîkê jî çêbûn.

Li navçeyê baran car caran disekine û piştre dîsa dibare.