Partiya Komunîst a Sûrî ala Tirkiyê şewitand

Hewlêr (Rûdaw) - Partiya Komunîst a Sûrî li bajarê Qamişlo çalakiyeke protestokirinê li dijî dirustkirina “navçeya aram” pêka anî ku biryar e li ser sînorê di navbera Rojava û bakurê Sûriyê de bê avakirin. Herwiha di çalakiyê ala herdu welatan Tirkiye û Amerîkayê hatin şewitandin.

Hejmarek ji serkirde û endamên Partiya Komunîst a Sûriyê li bajarê Qamişlo yê Rojavayê Kurdistanê kom bûn û avakirina “navçeya aram” şermezar kirin.

Di mêtîngeke de Sekreterê Rêxistina Partiya komunîst axaftinek pêşkêş kir û tê de bi tundî êrîşî siyaseta Amerîka û hevkariya wê ligel Tirkiyê kir.

Herwiha Beşdaran alên herdu welatên Amerîka û Tirkiyê şewitandin.

Partiya Komunîst a Sûrî li beşeke ji Eniya Niştimanî ye ku ji bilî partiya el Beis a desthilatdar çend partiyên din jî di nav de cih digirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger