Hewlêr (Rûdaw) - Dê îro li hinek navçeyên Bakurê Kurdistanê yên wekî Cizîra Botan, Silopya, Heskîf û Bismilê dê pileya germê bigihe 48an.
Saziya Keşnasiyê ya Tirkiyeyê ragihand ku dê îro li gelek bajarên Tirkiye û Bakurê Kurdistanê germahiyeke zêde hebe, bi taybatî li parêzgehên wekî Amed, Meletî, Sêrt û Rihayê yên Bakurê Kurdistanê dê pileya germê 40î derbas bike.
Li gorî daxuyaniya Saziya Keşnasiyê ya Tirkiyeyê li bakurê wî welatî hewa dê ewr be, dê li herêma Derya Reş jî baran bibare.
Li Bakurê Kurdistanê jî dê pileya germê li jorî asta asayî ya demsalê be.
Li hinek parêzgehên Bakurê Kurdistanê dê pileyên germahiyê wiha bin:
Amed: 44
Meletî: 40
Sêrt: 43
Riha: 42
Dê pileya germê bigihe 48an
Navenda Keşnasiyê ya Amedê 8ê Tebaxê ragihandibû ku dê roja pêncşemê li çendîn parêzgehên Bakurê Kurdistanê yek ji germtirîn rojên salê be.
Li navçeyên wekî Cizîra Botan, Silopya, Heskîf û Bismilê jî dê pileya germê bigihe 48an.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse